Известување за приватност на возилото

Важи од: 2025-04-24

Објавено на: 2025-04-24

Ова известување за приватност објаснува како компанијата Volvo Cars (како што е дефинирано подолу) ги обработува податоците во врска со возилото и поврзаните услуги што ги обезбедуваат Volvo Cars што вие може да ги контролирате преку поставките за приватност што се обезбедуваат во возилото и за некои карактеристики што исто така се наоѓаат во апликацијата Volvo Cars.

Бидејќи обработката на податоците зависи од карактеристиките и функциите со кои е опремено возилото и од услугите што вие избирате да ги активирате, овој документ го претставува најширокиот можен степен на обработка. Ако имате постаро возило или ако новиот модел не е опремен со одредена карактеристика или функција, нема да се врши обработка на податоците поврзана со таа карактеристика.

За објаснување на карактеристиките и функциите на возилото, погледнете во сопственичкиот прирачник за релевантниот модел. Имајте предвид дека ако има некакви разлики помеѓу ова известување и сопственичкиот прирачник во врска со обработката на личните податоци, предност ќе има ова известување.

Ова известување за приватност не важи за следново:

Специјални возила (на пример, полициски автомобили)
Обработка на личните податоци што не го напуштаат возилото (локална обработка)
Обработка на личните податоци кога комуницирате со еден од нашите продавачи (на пример, кога купувате возило)
Вашето користење на софтверот, апликациите и услугите што ги обезбедуваат други лица (за понатамошни информации, погледнете ги правилата и условите на давателите на услугите, како и нивните политики/известувања за приватност)
Обезбедувањето на услугата за интернет/поврзување во возилото, што ја обезбедува операторот на мобилната мрежа независно од Volvo Cars.

Имајте предвид дека Volvo Cars има други известувања за приватност што треба да се читаат заедно со овие информации за да се добие целосната слика. Ги наведовме подолу за вас. Лесно може да пристапите до нив така што директно ќе ги следите врските.

Во ова известување ќе најдете информации за:

1. Кои сме ние

Правниот субјект што е одговорен за обработката на личните податоци наведени подолу е Volvo Car Corporation, со свое седиште на Assar Gabrielssons Väg, SE-405 31, Гетеборг, Шведска, со регистрациски број на компанијата 556074-3089, понатаму во текстот „Volvo Cars“, „ние“ или нас“.

За обработката во врска со Поврзана безбедност и Аналитика на податоците од возилото за хибридни или електрични возила, заедно се одговорни Volvo Cars и Polestar Performance AB (шведска компанија со седиште во Гетеборг, Assar Gabrielssons Väg 9, SE-405 31, Шведска, понатаму во текстот „Polestar“). За тие намени, Volvo Cars е одговорен за обезбедување информации на неговите корисници и дека соодветните права што се дадени според GDPR ќе ги применуваат корисниците на Volvo во врска со Volvo Cars.

2. Кои лични податоци ги користиме и зошто

Лични податоци се информации што директно или индиректно упатуваат кон вас како физичко живо лице, а ние ги добиваме од вашето возило. Видете подолу како ги дефинираме категориите на лични податоци во контекст на обработка во врска со возилото.

Детали за корисникот	Volvo ID, име, е-пошта, телефонски број, единствен ИД на корисникот
Детали за возилото	Идентификаторите како што се идентификацискиот број на возилото (VIN) и бројот на регистрацијата; и информациите за возилото како што се информациите за моделот, годината на производство, конфигурацијата и спецификациите вклучувајќи ги моторот, типот на погонот, информациите за хардверот и софтверот и ИД на батеријата.
Информации и статус на возилото	Податоците како што се идентификаторите на грешки и дијагностичките податоци, податоците во врска со полнењето, здравствениот статус на компонентите и системот како што се, меѓу другите, здравствениот статус, целокупниот статус (погонот на возилото и батеријата), статусот и однесувањето на системите и функциите во возилото, алармите, предупредувањата, безбедносните дневници, сертификатите и податоците за овластување, податоците за калибрациите, поврзувањето и информациите за мрежите поврзани со користењето на возилото (како што се мерачот на поминати километри, временските печати, температурата, показателите за сервисирање, емисиите, поврзувањата на уредот, временските услови и условите на патот, потрошувачката на енергија и гориво, поврзани приколки, поставки).
Користење на возилото и однесување на корисникот	Податоците како што се патници на седиштата, режимот на користење (полнење, паркирање, возење), користење на услуги од далечина, сопирачки, управување, безбедносни појаси и врати, интеракција и користење на главниот уред за инфозабава, користење на функциите на возилото како што е забрзувачот, информации за поддршка поврзани со инциденти и дефекти.
Информации за позицијата и движењето	Брзина, локација и временски дневници.
Безбедносни настани	Типот на активираниот безбедносен настан и неговите случувања, како што се активирање на предупредувањето за лизгав пат, активирање на сијаличката за опасност и поврзаните временски печати.
Слики/податоци од надворешни камери	Сликите што се создадени од безбедносните функции, како и системите за автономно возење и напредна помош за возење.

2.1 Податоци што се користат за потребите на инфозабавата

2.1.1 Ажурирања на софтверот преку етер

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За одржување на најновата верзија на софтверот и обезбедување неопходни ажурирања. За да се обезбеди дека можете целосно да ги користите нашите ажурирани услуги. За да се подобри заштитата од кибербезбедносни инциденти.	Детали за возилото Информации и статус на возилото	Согласност.	Записите од софтверските ажурирања ќе се задржат за време на работниот век на возилото.

2.1.2 Поврзана безбедност

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да ве предупредиме за тековните или потенцијалните опасности во сообраќајот и за промена на условите на патот додека возите. За подобрување на безбедноста на патот, намалување на трошоците за одржување и придонес кон одржлива сообраќајна околина.	Детали за возилото Безбедносни настани Информации за позицијата и движењето (позицијата се користи за да добиете предупредување за тековните или потенцијалните опасности во сообраќајот)	Спроведување договор.	Информациите ќе се задржат најмногу една седмица.

2.1.3 Дигитален клуч

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да ви се овозможи да го заклучите, отклучите или стартувате возилото со вашиот паметен телефон или паметен часовник. За да се овозможи споделување и отповикување дигитални клучеви преку разни дигитални канали.	Детали за возилото Информации и статус на возилото Детали за корисникот	Спроведување договор.	Вашите податоци ќе се задржат сѐ додека имате важечки договор.

2.1.4 Информации за сообраќајот во реално време

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се потврди дали претплатата за услугата е активна. За да се пресметаат и да се обезбедат информации за ризиците од застој на патот, што ги правиме со поддршката од партнер којшто ќе ги добие анонимните податоци за позицијата и движењето.	Детали за возилото Информации за позицијата и движењето	Спроведување договор.	Вашите податоци ќе се задржат сѐ додека претплатата е активна. Откако претплатата нема да биде активна повеќе, VIN, брзината и позицијата се чуваат најмногу 90 дена, освен ако не се бара подолго време со важечки локален закон.

2.1.5 Интелигентна помош за брзина

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да му се помогне на возилото да го почитува ограничувањето на брзината со користење на податоците од сообраќајните знаци. За да се пријават збирни податоци за вашето користење на возилото кај релевантните власти.	Детали за возилото Информации и статус на возилото Користење на возилото и однесување на корисникот Информации за позицијата и движењето (позицијата се користи за добивање на податоците од сообраќајните знаци)	Законска обврска.	Вашите податоци ќе се задржат додека се соберат и се пријават кај релевантните власти.

2.1.6 Индекс на квалитетот на воздухот

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се прикажат информациите за квалитетот на воздухот во вашето возило. Ако локацијата се сподели, ќе ви се обезбедат информации за загадувањето и нивоата на полен надвор од возилото.	Информации и статус на возилото Информации за позицијата и движењето	Спроведување договор.	Вашите податоци ќе се задржат додека се презентираат во возилото.

2.1.7 Систем за достава на карти

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се унапредат функциите во возилото како што се Pilot Assist и Приспособлив темпомат преку користење податоци за карти во висока дефиниција за постојната локација.	Информации за позицијата и движењето.	Спроведување договор.	Податоците ќе се задржат додека податоците за картата се преземаат.

2.2 Податоци што се користат во врска со безбедноста

2.2.1 Активен снимач на податоци за безбедност

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
Податоците во врска со сообраќајни несреќи или ситуации налик на судари ќе се обработат од нашиот оддел за истражување и развој за да ни помогнат подобро да ги разбереме околностите во кои се случуваат несреќи, повреди и штета.	Детали за возилото Безбедносни настани Сликите од надворешна камера (сликите од предната камера што се создаваат за време од 4 секунди пред и по ситуации слични на судар) Информации за позицијата и движењето (со точност од ≤ 500 метри)	Согласност.	Податоците ќе се задржат најмногу 10 години, а потоа ќе бидат избришани или анонимизирани.

2.2.2 Снимач на податоци за настани)

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се оценат перформансите на безбедносниот систем на возилото во ситуации на судар или блиску до судар.	Информации и статус на возилото Користење на возилото и однесување на корисникот	За да се исполнат нашите законски обврски.	Податоците ќе се задржат додека не се презапишат од нови настани.

2.2.3 Итен повик (eCall)

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се осигури дека може да се активира итен повик, автоматски или рачно, во случај на одредени типови несреќи.	Детали за возилото Информации за позицијата и движењето (со точност од ≤ 500 метри вклучувајќи ја насоката на патувањето и делта брзината во случај на судар) Информации и статус на возилото Користење на возилото и однесување на корисникот	За да се исполнат нашите законски обврски.	Вашите податоци ќе се задржат најмногу 200 дена.

2.2.4 Услуги на центар за повици

Услугите што се нудат како дел од Услугите на центар за повици се опишани подолу.

Услуги	Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
Помош на пат	За да се поврзете со нашиот центар за повици каде што ви е потребна помош во случај на технички дефекти на возилото.	Детали за возилото Информации за позицијата и движењето Информации и статус на возилото Дополнителни информации што се неопходни за обезбедување на побараната помош (на пример, информации за корисникот, детали за осигурувањето, детали поврзани со трансакции, причина за оштетувањето и информации за работилницата што ја извршува поправката)	Спроведување договор.	Вашите податоци ќе се задржат најмногу 200 дена.
Следење украдено возило	За да се лоцира вашето возило ако е украдено.
Имобилизација/мобилизација на возилото од далечина	За да се овозможи или оневозможи имобилизаторот во возилото.	Детали за возилото Информации за позицијата и движењето (со точност од ≤ 500 метри) Информации и статус на возилото Безбедносни настани (причината за повикот)
Безбедносен повик	За да се осигура безбедноста на патниците во возилото во ситуации каде што возачот не реагира на стимулациите од возилото.

2.2.5 Систем за откривање неовластено влегување

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се откријат и спречат аномалии и прекршувања што може да бидат можни кибербезбедносни закани за системите во возилото. За да се следи како софтверот и апликациите се однесуваат за да се осигури дека не го прекршуваат тоа што им е дозволено да го прават.	Детали за возилото Информации и статус на возилото Користење на возилото и однесување на корисникот Информации за позицијата и движењето	За да се исполнат нашите законски обврски.	Вашите податоци ќе се задржат: псевдонимизирани за време на работниот век на возилото. најмногу една година по завршувањето на истрагата, во случај на откриена слабост.

2.2.6 Осигурување на безбедноста на батериите

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се осигури дека нашите возила со хибриден или електричен погон се безбедни. Ако се оцени дека е потребно, да контактираме со вас и да ве известиме за потенцијалните грижи.	Детали за возилото Информации и статус на возилото	Нашиот легитимен интерес за развој и подобрување на безбедноста на нашите производи.	Вашите податоци ќе се задржат за време на работниот век на возилото.
За да овозможиме рано откривање на потенцијални проблеми и да идентификуваме нови потенцијални типови проблеми. За да управуваме со нашите обврски како производител на производот.	Детали за возилото Информации и статус на возилото	За да се исполнат нашите законски обврски.

2.3 Податоци што се користат во врска со одржување и поправки

2.3.1 Планирање на сервисирање

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да ви помогнеме да го одржувате возилото во добра состојба и да го одржувате здравјето на возилото. За да им овозможиме на работилниците да се подготват за вашата посета така што далечински ќе им обезбедиме дијагностички податоци. За да се закаже производство и испорака на резервни делови. За да се администрираат резервациите и испораките на деловите ако е потребно, податоците ќе се споделат со нашата локална компанија за продажба и трговците во малопродажба.	Детали за возилото Информации и статус на возилото	Спроведување договор.	Вашите податоци ќе се задржат најмногу три години. Информациите за високонапонската батерија на возилото ќе се задржат најмногу 10 години.

2.3.2 Дијагностички отчитувања во сервиси

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За следење на дефекти и истражување и развој на производот.	Детали за возилото Информации и статус на возилото Користење на возилото и однесување на корисникот	Нашите легитимни интереси за да обезбедиме развој и подобрување на нашите производи и услуги.	Вашите податоци ќе се задржат за време на работниот век на возилото.
За да управуваме со нашите обврски како производител на производот.		За да се исполнат нашите законски обврски.

2.3.3 Пријавување грешки

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се идентификуваат и истражат проблеми поврзани со софтверот и да се одржува нашиот софтвер во добра состојба.	Детали за возилото Информации и статус на возилото Користење на возилото и однесување на корисникот Детали за корисникот	Нашите легитимни интереси за поправање, развој и подобрување на нашиот софтвер.	Вашите податоци ќе се задржат додека не се реши проблемот со возилото или до 90 дена, што и да се случи подоцна.

2.3.4 Проширена анализа на податоците за возилото

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се истражат и идентификуваат проблемите со возилото. За да се управува со потенцијален случај поврзан со гаранцијата и потенцијалните проблеми со безбедноста на производот.	Детали за возилото Информации и статус на возилото Користење на возилото и однесување на корисникот Детали за корисникот Информации за позицијата и движењето Безбедносни настани	Нашите легитимни интереси за поправање, развој и подобрување на нашите производи.	Вашите податоци ќе се задржат додека не се реши проблемот со возилото, а потоа ќе се избришат.

2.4 Податоци што се користат за истражување и развој

2.4.1 Истражување на сообраќајни несреќи

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да се испитаат околностите на сообраќајна несреќа во којашто учествува едно од нашите возила. За да се подобри безбедноста на нашите возила и сообраќајната околина во целост.	Детали за возилото Информации и статус на возилото Користење на возилото и однесување на корисникот Информации за позицијата и движењето Слики од надворешната камера	Нашите легитимни интереси за поправање, развој и подобрување на безбедноста на нашите производи.	Вашите податоци ќе се задржат најмногу 10 години.
За да се соберат дополнителни информации за несреќата преку анкета, ако е корисно за нашето истражување.	Детали за корисникот		Вашите податоци ќе се задржат најмногу 10 години.

2.4.2 Анализа на податоците од возилото

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да разбереме како се користи возилото. За да се добијат статистички информации за нашите возила. За истражување и развој на производи, особено за подобрување и следење на квалитетот на возилата и нивните безбедносни карактеристики. За управување со гарантните обврски на Volvo Cars.	Детали за возилото Информации и статус на возилото	Согласност.	Вашите податоци ќе се задржат најмногу две години. Информациите за високонапонската батерија на возилото ќе се задржат додека трае животниот век на батеријата.

2.4.3 Аналитика и подобрувања на возилото

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За да разбереме како се користи возилото. За да се добијат статистички информации за нашите возила. За следење на дефекти, истражување и развој на производот. За следење и подобрување на одржливоста и квалитетот на нашите возила, нивните безбедносни карактеристики и други функции. За да контактираме со вас и да ве информираме за потенцијални проблеми или дефекти ако е потребно.	Детали за возилото Информации и статус на возилото Користење на возилото и однесување на корисникот Информации за позицијата и движењето (со точност од ≤ 500 метри) Безбедносни настани Слики од надворешната камера Детали за корисникот	Согласност.	Вашите податоци ќе се задржат најмногу пет години, а потоа, ако сѐ уште се потребни, ќе бидат анонимизирани или, во спротивно, избришани. Информациите за високонапонската батерија на возилото ќе се задржат додека трае животниот век на батеријата.

2.5 Пријавување на издувните гасови

Како ќе ги користиме вашите лични податоци ('намена')	Информациите што ги користиме ('лични податоци)	Законска основа	Задржување
За собирање на конкретни податоци за емисии од вашето возило што ќе бидат пријавени до релевантен ентитет или власт.	Детали за возилото Информации и статус на возилото	За да се исполнат нашите законски обврски.	Вашите податоци ќе се задржат додека се пријават кај релевантните власти.

3. Споделување на вашите лични податоци

Ги споделуваме податоците со разни организации за да го спроведуваме нашето деловно работење, да го одржиме односот со вас и за да ви обезбедиме производи и услуги. Ги опишуваме овие ситуации подолу.

Таму каде што ги наведуваме овие организации како наши „снабдувачи“, „обработувачи“ или „подобработувачи“, секоја од овие организации е ограничена со договор за нејзината способност за користење на вашите лични податоци за секоја друга намена освен за да обезбедат услуги за нас или во наше име, според нашите упатства. Во секој од случаите, ги споделуваме само личните податоци, вклучувајќи ги и податоците од телематиката, за кои сметаме дека се неопходни за да се постигне соодветната намена.

Кој ('Примач')	Зошто ('Причина')
Други компании во рамките на групацијата Volvo Cars и нивните подобработувачи	Личните податоци се пренесуваат до други компании во групацијата за грижа за корисници за обезбедување на нашите производи и услуги и за обезбедување ИТ-системи за деловна поддршка и чување податоци.
Даватели на ИТ-услуги и нивни подобработувачи	Личните податоци се пренесуваат до даватели на ИТ-услуги кои ни обезбедуваат системи за поддршка на деловното работење, како што се даватели на софтвер и складирање податоци.
Овластени продавачи и сервисери на Volvo Cars (и нивните подизведувачи)	Личните податоци се пренесуваат за обезбедување услуги, откривање проблеми, одржување и поправка.
Власти за спроведување на законите (на пример, полиција, судови) и други надлежни органи	Личните податоци што треба да се споделат или може да се споделат со органите на законот (на пример, полицијата, судовите), за да се исполни законска обврска или нашиот легитимен интерес за обезбедување на податоците, кога има сомневање за тешко кривично дело или кога е неопходно да се претставиме, да примениме или да се одбраниме од тужби. На органите на законот им го доставуваме најмалото количество лични податоци што се неопходни. Пример за тип податоци што може да ги откриеме се серискиот број на делот на возилото што е поврзан со VIN-број или IMEI-број (единствен ИД на корисникот).
Други даватели на услуги (како што се оператори на мобилни мрежи, партнери за услуга за грижа за корисници, даватели на услуги за поврзување, оператори за помош на пат и оператори за полнење)	Може да ги споделиме информациите од возилото и информациите за претплатата за да ги овозможиме услугите, за следење на проблеми и за подобрување на услугите. Во некои пазари користиме и споделуваме информации со друг давател на услуги за грижа за корисници. За да обезбедиме одредени функции (на пример, информации за сообраќајот во реално време), споделуваме анонимизирани податоци со други партнери.
Кои било лица што сте ги одобриле	На пример, може да побарате од нас да ги споделиме податоците од возилото со други лица, како што е осигурителна компанија, за да ви подготви понуда за осигурување.
Други сопственици на возила, како што се компании со возен парк од Volvo Cars или компании за изнајмување автомобили	Личните податоци може да ги обезбеди Volvo Cars, како обработувач, до другите сопственици, како контролори, за потребите на обезбедување услуги за управување со возниот парк.

4. Ваши права и контроли

Имате конкретни законски права во врска со личните податоци што ги обработуваме за вас. Правата може да се разликуваат во зависност од тоа во кое законодавство се наоѓате и од природата на обработката. Општо земено, вашите права ви даваат можност:

да ја повлечете согласноста
да поднесете приговор против обработката на вашите податоци
да побарате копија од податоците што ги чуваме за вас (т.н. право на пристап на субјектот)
да побарате податоците да се пренесат до друго лица (т.н. преносливост на податоците)
да побарате податоците да бидат коригирани или ограничени
да побарате податоците да бидат избришани (т.н. право да се биде заборавен)

Како што е наведено, овие права не се апсолутни и во некои случаи законот за заштита на податоците ја ограничува нивната примена. Ако постои ваков случај за некое барање што ќе го испратите до нас, секогаш ќе ви објасниме зошто не можеме да го исполниме вашето барање.

Ако сакате да поднесете барање за правата, секогаш може да контактирате со нас така што ќе го пополните овој формулар. Ве молиме да го користите овој формулар бидејќи ги наведува информациите што ни се потребни за да го потврдиме вашиот идентитет и ефикасно да го обработиме вашето барање. Сепак, ако не сакате да го користите формуларот, секогаш може да контактирате со нас и да го поднесете барањето со користење на информациите за контакт во следниот дел.

Исто така, имате право да поднесете жалба до локалната институција за заштита на податоците ако сте загрижени за тоа како ние ги користиме вашите лични податоци. Сепак, ќе ви бидеме благодарни ако прво ни се обратите директно нам и ни ја соопштите загриженоста за да ни овозможите да се обидеме да ја решиме заедно. Информациите за контакт може да ги најдете подолу.

5. Информации за контакт

Ако имате прашања за тоа како ги користиме вашите лични податоци, може да контактирате со нас на dataprotection@volvocars.com или со службеникот за заштита на податоците на Volvo Car Corporation на следниов начин:

Поштенска адреса: Volvo Car Corporation, Attention: The Data Protection Officer, dep 50099, VAK, 405 31 Gothenburg, Sweden.

Е-пошта: globdpo@volvocars.com

6. Ажурирања на ова известување

Постојано ги развиваме нашите производи и услуги и затоа ќе го ревидираме и ќе го ажурираме ова известување за приватност. Затоа ве охрабруваме редовно да се навраќате на ова известување за приватност. Податоците во горниот дел од ова известување за приватност покажуваат кога било ажурирано последен пат. Ќе управуваме со вашите лични податоци на начин што е опишан во известувањето за приватност според кое биле собрани, освен ако имаме ваша согласност за да управуваме со нив поинаку.